তৃতীয়বাৰৰ বাবে অৰুণাচল প্ৰদেশৰ মুখ্যমন্ত্ৰী হিচাপে পেমা খাণ্ডুৰ শপত গ্ৰহণ

বিজেপি নেতা পেমা খাণ্ডুৱে আজি একেৰাহে তৃতীয়বাৰৰ বাবে অৰুণাচল প্ৰদেশৰ মুখ্যমন্ত্ৰী হিচাপে শপত গ্ৰহণ কৰে। খাণ্ডুৰ সৈতে আন ১৩ গৰাকী কেবিনেট মন্ত্ৰীয়েও শপত লয়। অৰুণাচল প্ৰদেশৰ ৰাজ্যপাল লেফটেনেণ্ট জেনেৰেল কে টি পাৰনায়কে তেওঁলোকক পদ আৰু গোপনীয়তাৰ শপত বাক্য পাঠ কৰোৱায়। শপত গ্ৰহণ কৰা কেবিনেট মন্ত্ৰীসকলৰ ভিতৰত চাওনা মেইন, ব্যুৰাম বাগে, ন্যাটো ডুকাম, গেব্রিয়েল ডি ৱাংশুক, ৱাংগি লোৱাং, পি ডি চোনা, মামা নাটুং, দাংচাংগলু পুল, বাল’ ৰাজা, কেণ্টজিনি আৰু অজিং তাচিং আছে।

শপতগ্রহণ অনুষ্ঠানত কেন্দ্ৰীয় গৃহমন্ত্রী অমিত শ্বাহ, কেন্দ্রীয় মন্ত্ৰী কিৰেণ ৰিজিজু, স্বাস্থ্য মন্ত্রী জে পি নাড্ডা, জ্যেষ্ঠ বিজেপি নেতা ৰবিশংকৰ প্ৰসাদ, অসম আৰু ছিকিমৰ মুখ্যমন্ত্ৰী, আৰু অৰুণাচল পূব সংসদীয় সমষ্টিৰ সাংসদ তাপিৰ গাৱকে ধৰি ভালেসংখ্যক বিশিষ্ট ব্যক্তি উপস্থিত থাকে। বিজেপিয়ে ৰাজ্যখনৰ সদ্যসমাপ্ত বিধানসভা নির্বাচনত ৰাজ্যখনৰ মুঠ ৬০ খন আসনৰ ভিতৰত ৪৬ খন আসনতে জয়লাভ কৰিছে।