পাঁচখনীয়া টেষ্ট ক্রিকেট শৃংখলাৰ দ্বিতীয়খন খেলৰ প্ৰথম দিনত প্ৰথম ইনিংছত ৬টা উইকেট হেৰুৱাই ভাৰতৰ ৩৩৬ ৰাণ সংগ্ৰহ

♦ ভাৰতে ইংলেণ্ডৰ বিৰুদ্ধে বিশাখাপট্টনমত অনুষ্ঠিত পাঁচখনীয়া টেষ্ট ক্রিকেট শৃংখলাৰ দ্বিতীয়খন খেলৰ আজি প্ৰথম দিনৰ খেলৰ সামৰণি পৰলৈকে প্ৰথম ইনিংছত ছটা উইকেট হেৰুৱাই ৩৩৬ ৰাণ কৰিছে। ভাৰতৰ হৈ অপেনাৰ যশস্বী জয়ছোৱালে টেষ্ট ক্ৰিকেটত নিজৰ দ্বিতীয়টো শতক অৰ্জন কৰে। দিনান্তত জয়ছোৱাল ১৭৯ ৰাণ কৰি অপৰাজিত হৈ থাকে। তেওঁৰ সৈতে ৫ ৰাণ কৰি ৰবীচন্দ্ৰন অশ্বীন উইকেটত আছে। অধিনায়ক ৰোহিত শৰ্মাই ১৪ ৰাণ কৰি আউট হোৱাৰ পাছত শুভমন গীলে ৩৪, ৰজত পাটীদাৰে ৩২ ৰাণ কৰে। শ্রেয়াছ আয়াৰ আৰু অক্ষৰ পেটেলে ২৭ ৰাণকৈ কৰি আউট হয়। ইয়াৰ পূৰ্বে ভাৰতে টছত জিকি প্রথমে বেট ধৰাৰ সিদ্ধান্ত লয়।