■ প্ৰধানমন্ত্ৰী নৰেন্দ্ৰ মোদীয়ে বুধবাৰে ভিডিঅ’ কনফাৰেন্সৰ জৰিয়তে ১৬ সংখ্যক পূব এছিয়া সন্মিলনত অংশগ্ৰহণ কৰে। এই সন্মিলন ব্ৰুনেইৰ দ্বাৰা আয়োজিত কৰা হৈছিল আৰু সন্মিলনত আছিয়ান দেশ আৰু অষ্ট্ৰেলিয়া, চীন, জাপান, দক্ষিণ কোৰিয়া, ৰাছিয়া, আমেৰিকা যুক্তৰাষ্ট্ৰ আৰু ভাৰতৰ নেতৃবর্গই অংশগ্ৰহণ কৰে। প্ৰধানমন্ত্ৰী নৰেন্দ্ৰ মোদীয়ে অংশগ্ৰহণ কৰা এইখন আছিল সপ্তম পূব এছিয়া সন্মিলন।
সন্মিলনত প্ৰধানমন্ত্ৰীয়ে কয় যে, পূব এছিয়া সন্মিলনে দেশৰ গুৰুত্ব কঢ়িয়াই আনে। যিহেতু ইণ্ডো-পেচিফিকত প্ৰধান নেতাৰ নেতৃত্বত মঞ্চ হিচাপে গুৰুত্বপূৰ্ণ কৌশলগত বিষয়সমূহ আলোচনা কৰিবলৈ ৰাষ্ট্ৰসমূহক এই সন্মিলনে একত্ৰিত কৰে। মোদীয়ে ভেকছিন আৰু চিকিৎসা ব্যৱস্থাৰ জৰিয়তে কোভিড-১৯ মহামাৰীৰ বিৰুদ্ধে যুঁজিবলৈ দেশেৰ প্ৰচেষ্টাৰ ওপৰত আলোকপাত কৰে।
মোডীয়ে মহামাৰীৰ পিছৰ দেশৰ প্ৰগতি আৰু স্থিতিস্থাপক গোলকীয় মূল্য শৃংখলা নিশ্চিত কৰাৰ বাবে “আত্মনিৰ্ভৰ ভাৰত” অভিযানৰ বিষয়েও উল্লেখ কৰে।
প্ৰধানমন্ত্ৰীয়ে অৰ্থনীতি আৰু পৰিস্থিতি বিজ্ঞান আৰু জলবায়ু বহনক্ষম জীৱনশৈলীৰ মাজত এক উন্নত ভাৰসাম্য বজাই ৰখাৰ ওপৰত গুৰুত্ব আৰোপ কৰে। সন্মিলনখনত ইণ্ডো-পেচিফিক, দক্ষিণ চীন সাগৰ, ইউএনচিএলঅ’এছ, সন্ত্ৰাসবাদ আৰু কোৰিয়া উপদ্বীপ আৰু ম্যানমাৰৰ পৰিস্থিতিকে ধৰি গুৰুত্বপূৰ্ণ আঞ্চলিক আৰু আন্তঃৰাষ্ট্ৰীয় বিষয়সমূহৰ ওপৰতো গভীৰ আলোচনা কৰে। লগতে ভাৰত-প্ৰশান্ত মহাসাগৰত “আছিয়ান” পুনৰ নিশ্চিত কৰা আৰু ভাৰত-প্ৰশান্ত মহাসাগৰৰ ক্ষেত্ৰত আছিয়ান আউটলুক আৰু ভাৰতৰ ভাৰত-প্ৰশান্ত মহাসাগৰ উদ্যোগৰ মাজত সমন্বয়ৰ কথা উল্লেখ কৰে।
পূব এছিয়া সন্মিলনত, ই.এ.এছ. নেতাসকলে পৰ্যটন আৰু বহনক্ষম পুননিৰ্মাণ জৰিয়তে মানসিক স্বাস্থ্য, অৰ্থনৈতিক উন্নয়নৰ ওপৰত তিনিটা বিবৃতি গ্ৰহণ কৰে, য’ত ভাৰতৰ সহায়ত সহ-পৃষ্ঠপোষকতা কৰা হৈছে। সামগ্ৰিকভাৱে, সন্মিলনখনত প্ৰধানমন্ত্ৰী নৰেন্দ্ৰ মোদী আৰু অন্যান্য ইএএছ নেতাসকলৰ মাজত এক ফলপ্ৰসূ মত-বিনিময় কৰা দেখা যায়।
