কথা…

কিছুমান কথা থাকে, মন ভৰে
কিছুমান কথা থাকে, চকুপানী সৰে
কিছুমান কথা থাকে, মৰম জাগে
কিছুমান কথা থাকে, হৃদয় ভাঙে
কিছুমান কথা থাকে, চিন্তাৰ উদ্ৰেক কৰে
কিছুমান কথা থাকে, ধ্বংসৰ বতৰা দিয়ে
কিছুমান কথা থাকে, প্ৰেৰণাৰ ঘৰ সাজে
কিছুমান কথা থাকে, হতাশাৰ জোৱাৰ আনে
কিছুমান কথা থাকে, আতংক আনে
কিছুমান কথা থাকে, সমিধান দিয়ে।

কথাবোৰ কথা হৈ হৃদয়ত বাজে
কথাবোৰ শেল হৈ বুকুত বিন্ধে
কথাবোৰ শব্দ হৈ কাগজত ভৰে
কথাবোৰ চিঞৰ হৈ বতাহত উৰে
কথাবোৰ ভাষা হৈ বতৰা দিয়ে
কথাবোৰ সিক্ত হৈ চকুপানী সৰে
কথাবোৰ জবান হৈ প্ৰতিশ্ৰুতি দিয়ে
কথাবোৰ আলাপ হৈ পুলকিত কৰে
কথাবোৰ বাণী হৈ জাগ্ৰত কৰে
কথাবোৰ ভাষ্য হৈ উত্সাহ যাচে
কথাবোৰ গল্প হৈ গুঞ্জৰিত কৰে
কথাবোৰ আখ্যান হৈ কাললৈ থাকে।