সৰ্বভাৰতীয় বেংক ধৰ্মঘটৰ দ্বিতীয় দিন, অসমতো অচল বেংক সেৱা

♦দেশজুৰি চলি থকা দুদিনীয়া বেংক ধৰ্মঘটৰ আজি দ্বিতীয় দিন৷ বৃহস্পতিবাৰৰ পৰা আৰম্ভ হোৱা উক্ত ধৰ্মঘটৰ ফলত আজিও দেশজুৰি ব্যাহত হৈছে বেংক সেৱা৷ আনহাতে, এই বেংক ধৰ্মঘটৰ প্ৰতি সঁহাৰি জনাইছে উত্তৰ-পূব ভাৰতৰ বেঙ্ক সমূহৰ সংযুক্ত মৰ্চাই৷

মৰ্চাৰ উদ্যোগত অসম তথা সমগ্ৰ উত্তৰ-পূৰ্বাঞ্চলতে দুদিনীয়া বেংক ধৰ্মঘটৰ কাৰ্যসূচীক সমৰ্থন জনাই আজি দ্বিতীয় দিনাও কৰ্মচাৰীসকল বিৰত আছে নিজৰ কৰ্মৰ পৰা৷ উল্লেখ্য, ৰাষ্ট্ৰীয়কৃত বেঙ্কসমূহক ব্যক্তিগতকৰণৰ বিৰুদ্ধাচৰণ কৰি দেশজুৰি বেংক কৰ্মচাৰীসকলে ৰূপায়ণ কৰিছে এই প্ৰতিবাদী কাৰ্যসূচী৷

একেদৰে ৰাজ্যৰ ৰাজধানী গুৱাহাটী মহানগৰীতো আজি দ্বিতীয় দিনাৰ বাবে বেঙ্কসমূহৰ নিয়মীয়া কাম-কাজ ব্যাহত হয়। অগ্ৰণী বেঙ্ক প্ৰতিষ্ঠান আইডিবিআই বেঙ্কৰ কৰ্মচাৰীসকলে তেওঁলোকৰ চাৰিদফীয়া দাবিসম্বলিত প্ৰতিবেদন ঊৰ্ধতন কৰ্তৃপক্ষক দাখিল কৰে।