♦ গুৱাহাটী আই আই টি কণ্টেইনমেণ্ট জ’ন হিচাপে ঘোষণা
♦ কোভিডত আক্ৰান্ত হৈছে গুৱাহাটী আই আই টি অধ্যাপকসহ ৬০ গৰাকীকৈ শিক্ষাৰ্থী
♦ পশ্চিম বংগৰ পৰা গুৱাহাটীলৈ অহা আই আই টিৰ ইলেকট্ৰনিক বিভাগৰ অধ্যাপকৰ পৰিয়ালত এইবাৰ কোভিডৰ সংক্ৰমণ ধৰা পৰিছে
♦ পৰিয়ালটোৰ এটি ৮ বছৰীয়া কণমানিৰ দেহতো ধৰা পৰিছে কোভিডৰ অৱস্থিতি
♦ এই ঘটনাৰ বাবে তাৎক্ষণিকভাৱে আই আই টি গুৱাহাটীক কণ্টেইনমেণ্ট জ’ন ঘোষণা কৰিছে কামৰূপ জিলা প্ৰশাসনে
♦ ভাৰতীয় প্ৰযুক্তিবিদ্যা প্ৰতিষ্ঠানখনত বৰ্তমানলৈকে প্ৰায় ৬০ গৰাকী শিক্ষাৰ্থী আৰু অধ্যাপক কোভিডত আক্ৰান্ত হোৱা বুলি জানিব পৰা গৈছে
♦ কামৰূপ জিলা উপায়ুক্তই প্ৰকাশ কৰিছে এই কথা
♦ সম্প্ৰতি জিএমচিএইচত চিকিৎসাধীন হৈ আছে অধ্যাপকসহ কোভড আক্ৰান্ত পৰিয়ালটো
♦ যোৱা কিছুদিন আগতেও মহানগৰীৰ বহুকেইখন শৈক্ষিক প্ৰতিষ্ঠানত কোভিডৰ সংক্ৰমণ ধৰা পৰিছিল
♦ বিশেষকৈ গুৱাহাটী বিশ্ববিদ্যালয়, বি বৰুৱা মহাবিদ্যালয়কে ধৰি কেইবাখনো মহাবিদ্যালয়ত কোভিড সংক্ৰমণৰ পাছতে মহাবিদ্যালয়কেইখন বন্ধ কৰি দিয়া হৈছিল।
♦ পুনৰ কোভিডৰ এনে সংক্ৰমণৰ বাবে উদ্বিগ্ন প্ৰকাশ কৰিছে ৰাজ্যৰ স্বাস্থ্য বিভাগে।
♦ কেৱল স্বাস্থ্য বিভাগেই নহয়, অভিভাৱক সকলেও এতিয়া চিন্তিত হৈ পৰিছে।
♦ বৰ্তমানেও ৰাজ্যৰ প্ৰায়ভাগ শিক্ষানুষ্ঠান খোলা হৈ আছে।
♦ সমান্তৰালভাৱে কোভিডৰ প্ৰতিষেধক প্ৰদানৰ ব্যৱস্থাও কৰিছে স্বাস্থ্য বিভাগে।
