আজাৰাঃ ভিয়েটনামত অলপতে অনুষ্ঠিত হৈ যোৱা “আইৰণমেন ট্ৰাইথল’ন ” আন্তঃৰাষ্ট্ৰীয় ক্ৰীড়া প্ৰতিযোগিতাত আইৰণমেন খিতাপ অৰ্জন কৰি ৰাজ্যৰ লগতে আজাৰা অঞ্চললৈ গৌৰৱ কঢ়িয়াই আনিলে আজাৰাৰ ওজাপাৰাৰ দীপেন মেধিয়ে।বিশ্বৰ ৬৩ খন দেশৰ ১৫ শতকৈয়ো অধিক প্ৰতিযোগীয়ে অংশগ্ৰহণ কৰা উক্ত প্ৰতিযোগিতাত ভাৰতৰ ৬ গৰাকী প্ৰতিযোগীয়ে অংশগ্ৰহণ কৰিছিল। ইয়াৰে তিনিগৰাকী প্ৰতিযোগীয়ে আইৰণমেন খিতাপ অৰ্জন কৰে। ইয়াৰ ভিতৰত অসম তথা উত্তৰ-পূৰ্বাঞ্চলৰ একমাত্ৰ প্ৰতিযোগী দীপেন মেধিয়েও উক্ত খিতাপ অৰ্জন কৰিবলৈ সক্ষম হয়।
সম্পূৰ্ণ নিজা খৰচত প্ৰতিযোগিতাত অংশগ্ৰহণ কৰা দীপেন মেধিয়ে সদৰী কৰা মতে উক্ত প্ৰতিযোগিতাত তিনিটা ইভেণ্টত ভাগ লৱ লাগে। সৰ্বমুঠ ৮ ঘণ্টা ৩০ মিণিটৰ ভিতৰত সম্পূৰ্ণ কৰিবলগীয়া উক্ত ইভেণ্ট সমূহ দীপেন মেধিয়ে সাঁতোৰ (১.৯কিলোমিটাৰ), চাইক্লিং (৯০ কিলোমিটাৰ)আৰু দৌৰ(২১.১ কিলোমিটাৰ)সম্পূৰ্ণ কৰে ৬ ঘণ্টা ৪১ মিণিট ৬ চেকেণ্ডত। ১,৫০০ প্ৰতিযোগীৰ ভিতৰত ৫৬১ গৰাকী প্ৰতিযোগীয়ে নিৰ্ধাৰিত সময়ত ইভেণ্ট সমূহ সম্পূৰ্ণ কৰিবলৈ সক্ষম হয়
