ঘগ্ৰাপাৰত বড়িগোগ বনভাগ মণ্ডল বিজেপিৰ উদ্যোগত স্বাস্থ্য কৰ্মীক সম্বৰ্ধনা
১০০ কোটি ভাৰতীয় জনতাক কোভিড ভেকচিন দিয়াৰ ক্ষেত্ৰত দেশৰ প্ৰধানমন্ত্ৰী নৰেন্দ্ৰ মোদীক ধন্যবাদ আৰু মুখ্য সহযোগিতা আগবঢ়োৱা স্বাস্থ্য কৰ্মী সকলক ৰাজ্যখনৰ বিভিন্ন প্ৰান্তৰ লগতে বৃস্হপতি বাৰে ভাৰতীয় জনতা পাৰ্টি ঘগ্ৰাপাৰৰ বড়িগোগ বনভাগ মণ্ডলৰ উদ্যোগত পৈছাৰা কভিড প্ৰতিষেধক কেন্দ্ৰত এক সম্বৰ্ধনা অনুষ্ঠান অনুষ্ঠিত হয় ।
উল্লেখ যোগ্য যে দেশৰ প্ৰধানমন্ত্ৰী নৰেন্দ্ৰ মোডীৰ প্ৰচেষ্টাত সমগ্ৰ দেশত সফল ভাৱে ১০০ কোটি কভিড প্ৰতিষেধক দিয়াৰ যি অভিলেখ গঢ়িলে তাৰ লগত সংগতি ৰাখি বড়িগোগ বনভাগ মণ্ডল বিজেপিৰ সভাপতি ডিম্বেশ্বৰ বেজবৰুৱাৰ নিৰ্দেশ মৰ্মে স্বাস্থ্য কৰ্মী সকলক সম্বৰ্ধনা আৰু এক মত-বিনিময় অনুষ্ঠান অনুষ্ঠিত বিজেপি কৰ্মী সকলে।
শক্তি কেন্দ্ৰৰ আহ্বায়ক পংকজ বেজবৰুৱাই আঁত ধৰা মত-বিনিময় অনুষ্ঠানটিত বড়িগোগ বনভাগ মণ্ডলৰ বিজেপিৰ সম্পাদক বুবুল দাসে অংশগ্ৰহণ কৰি ভাষণত বিজেপি চৰকাৰৰ অভিলাষী আঁচনিসমুহে কেনেদৰে সৰ্বসাধাৰণ ৰাইজক চুই যোৱাৰ কথা সদৰী কৰাৰ লগতে ক’ভিড ভেকচিনৰ উপকাৰিতাৰ কথাও উল্লেখ কৰে।
অনুষ্ঠানটিত বড়িগোগ বনভাগ মণ্ডল বিজেপিৰ সামাজিক মাধ্যমৰ আহ্বায়ক বিশ্বজ্যোতি কলিতা,নলবাৰী জিলা মহিলা মৰ্চাৰ সদস্যা ধৰিত্ৰী ডেকাকে ধৰি ভাৰতীয় জনতা পাৰ্টি বিভিন্ন কাৰ্যকৰ্তা বিষয়ববীয়া সমন্বিতে স্বাস্থ্য কৰ্মী সকল উপস্থিত থাকে।
