প্ৰয়াগৰাজত প্ৰধানমন্ত্ৰী মোডীৰ ঘোষণা; আত্মসহায়ক গোটৰ বেংক একাউণ্টলৈ ১হাজাৰ কোটি টকা হস্তান্তৰ কৰা হ’ব

♦ প্ৰধানমন্ত্ৰী নৰেন্দ্ৰ মোডী আজি উত্তৰ প্ৰদেশৰ প্ৰয়াগৰাজৰ এটা বিশেষ অনুষ্ঠানত অংশগ্ৰহণ কৰে। এই অনুষ্ঠানত ২লাখতকৈও অধিক মহিলাই ভাগ ল’য়। তেওঁ এই অনুষ্ঠানত বিভিন্ন আত্মসহায়ক গোটৰ বেংক একাউণ্টলৈ ১হাজাৰ কোটি টকা হস্তান্তৰ কৰিব। এই উদ্যমৰ পৰা আত্মসহায়ক গোটৰ সৈতে জড়িত ১৬ লাখতকৈও অধিক মহিলা উপকৃত হ’ব বুলি মোডীয়ে উল্লেখ কৰে। দীনদয়াল অন্ত্যোদয়া যোজনা ৰাষ্ট্ৰীয় গ্ৰামীণ জীৱিকা অভিযানৰ অধীনত এই ধনৰাশি হস্তান্তৰ কৰা হ’ব। আত্মসহায়ক গোটসমূহক শক্তিশালী কৰি তোলাৰ উদ্দেশ্যে কেন্দ্ৰ আৰু উত্তৰ প্ৰদেশ চৰকাৰে চলোৱা অবিৰত প্ৰচেষ্ঠাকলৈ সন্তুষ্টি প্ৰকাশ কৰি প্ৰধানমন্ত্ৰীয়ে কয় যে, জীৱনৰ বিভিন্ন স্তৰত কন্যা সন্তানক সাহায্য প্ৰদানৰ উদ্দেশ্য ৰূপায়ণ কৰা মুখ্যমন্ত্ৰী সুমংগল আঁচনিৰ ১ লাখতকৈও অধিক হিতাধিকাৰীলৈও ধন হস্তান্তৰ কৰা হ’ব। প্ৰধানমন্ত্ৰীয়ে লগতে ২০২টা পৰিপূৰক পুষ্টিকৰ খাদ্য উৎপাদন গোটৰ আধাৰশিলা স্থাপন কৰে৷