মণিপুৰ বিধানসভা নিৰ্বাচনৰ দিন সলনি নিৰ্বাচন আয়োগৰ

♦নিৰ্বাচন আয়োগে মণিপুৰ বিধানসভা নিৰ্বাচনৰ দিন সলনি কৰিছে। সেই অনুসৰি ৰাজ্যখনত প্ৰথম পৰ্যায়ৰ ভোটগ্ৰহণ পূৰ্বে নিৰ্ধাৰিত ২৭ ফেব্ৰুৱাৰীৰ পৰিৱৰ্তে ২৮ ফেব্ৰুৱাৰী আৰু দ্বিতীয় পৰ্যায়ৰ ভোটগ্ৰহণ ৩ মাৰ্চৰ পৰিৱৰ্তে ৫ মাৰ্চত অনুষ্ঠিত হ’ব। উল্লেখযোগ্য যে, নিৰ্বাচনী কাৰ্যসূচী সমীক্ষা কৰিবলৈ নিৰ্বাচন আয়োগৰ এটা দলে অলপতে মণিপুৰ ভ্ৰমণ কৰিছিল। এই দলটোৱে মণিপুৰৰ ৰাজনৈতিক দল, মুখ্য সচিব, আৰক্ষী অধীক্ষক আৰু অন্যান্য শীৰ্ষ বিষয়াসকলৰ সৈতে আলোচনাত মিলিত হৈছিল। ইয়াৰ পাছতে ৰাজ্যখনত নিৰ্বাচনৰ দিন সলনি কৰাৰ সিদ্ধান্ত গ্ৰহণ কৰা হয়। ৰাজ্যখনৰ মুখ্য নিৰ্বাচনী বিষয়া ৰাজেশ আগৰৱালে কৈছে যে, প্ৰথম পৰ্যায়ৰ ভোটগ্ৰহণৰ বাবে সকলো বিষয়া-কৰ্মচাৰী ইতিমধ্যে নিজ নিজ স্থানত উপস্থিত হৈছে।