♦ ধুবুৰী আৰু গোৱালপাৰা জিলাৰ সীমান্তৱৰ্তী জলেশ্বৰ সাপ্তাহিক বজাৰত ধান, মৰাপাট বিক্ৰী কৰিবলৈ গৈছিল ব্যৱসায়ীৰ দল এটা। নিশা ব্ৰহ্মপুত্ৰ নদীৰে যন্ত্ৰ চালিত নাঁৱৰে বিলাসীপাৰা অভিমুখে আহি আছিল ব্যৱসায়ীৰ দলটো। উল্লেখ্যযোগ্য যে বিলাসীপাৰাৰ শাইলধৰাত যন্ত্ৰ চালিত নাঁৱৰে অহা ডকাইতৰ দলটো নদীৰ মাজতে চোকা অস্ত্ৰৰে আক্ৰমণ চলায়। ব্যৱসায়ীৰ দলটোক আক্ৰমণ কৰা ২০ জনীয়া ডকাইতৰ সদস্যৰ দলে ১০ লক্ষাধিক টকাৰো অধিক লুটি নিয়ে বুলি জানিব পৰা গৈছে।
ডকাইতৰ আক্ৰমণত ১০ জন ব্যৱসায়ী আহত হয় বুলি জানিব পৰা গৈছে। আহত ব্যৱসায়ী সকলক বিলাসীপাৰা আদৰ্শ চিকিৎসালয়ত ভৰ্তি কৰোৱা হয়৷ ইফালে ডকাইতি কাণ্ড সংঘটিত কৰি পলাই যাবলৈ লওঁতে ৰাইজে কৰায়ত্ত কৰে দুই ডকাইতক৷ ধৃত ডকাইত দুয়োজন ক্ৰমে ছাদ্দাম হুছেইন আৰু ছাহজামাল বুলি জানিব পৰা গৈছে। ঘটনাস্থলীত আৰক্ষীৰ দল উপস্থিত হৈ সমগ্ৰ ঘটনাৰ সন্দৰ্ভত তদন্ত অব্যাহত ৰাখিছে।
