লখিমপুৰৰ বান্দৰদেৱাত কুখ্যাত চোৰ আৰক্ষীৰ জালত: মটচাইকেল উদ্ধাৰ :
লখিমপুৰ জিলাৰ অসম-অৰুণাচল সীমান্তৱতী বান্দৰদেৱাত বাহৰপাতি তিনি অৰুণাচলী মটৰচাইকেল চোৰে মটৰচাইকেল চুৰি কৰাৰ তথ্য অসম আৰক্ষীৰ হাতত পৰিছিল ৷বান্দৰদেৱা আৰক্ষী চকীৰ পেট্ৰলিঙত যোৱা নিশা পথালি পাহাৰৰ সমীপত ১৫নং ৰাষ্ট্ৰীয় ঘাইপথত তালাচী চলাই তিনিখন চুৰি মটৰচাইকেল জব্দ কৰিবলৈ সক্ষম হয় ৷
বান্দৰদেৱা আৰক্ষীয়ে ASO7M. 8582 নম্বৰৰ চাইকেলখনৰ সৈতে কুখ্যাত অৰুণাচল প্ৰদেশৰ পশ্চিম কামেং জিলাৰ মটৰচাইকেল চোৰ আটিচ ৰাম ডাচু (১৯)নামৰ চোৰটো আৰক্ষীৰ জালত পৰে ৷
আৰক্ষীৰ তালাচী অব্যাহত থকাৰ মাজতে বান্দৰদেৱা টোলগেটৰ সমীপত নাম্বাৰ প্লেট বিহীন দুখন চুৰি
মটৰচাইকেল ৰখাই চোৰে পলায়ন কৰে ৷
অৰুণাচলৰ কুখ্যাত চোৰ আটিচে সংবাদ মাধ্যমক কয় যে, বান্দৰদেৱাৰ পৰা নিশা তিনিখন চুৰি মটৰচাইকেল লৈ তিনি অৰুণাচলী চোৰে বালিপাৰা হৈ বমডিলা আৰু টাৱাং যাবলৈ লোৱাৰ সময়ত বান্দৰদেৱাতেই আৰক্ষীৰ জালত পৰে এটা গভাইত চোৰ ৷
আন দুই চোৰে আৰক্ষীৰ তালাচীৰ মাজতে পলায়ন কৰে ৷বান্দৰদেৱা আৰক্ষী চকীত গভাইত চোৰ আটিচৰ লগতে তিনিখন চুৰি মটৰচাইকেল আৰক্ষীৰ জিম্মাত ৰাখি আৰক্ষীয়ে তদন্ত অব্যাহত ৰাখিছে ৷
প্ৰেৰক জয়ন্ত কুমাৰ হাজৰিকাৰ
