● অসম চাহ মজদুৰ সংঘৰ এক জৰুৰী সাংগঠনিক সভা অসম চাহ মজদুৰ সংঘৰ ৰঙাপৰা স্থিত কাৰ্যালয়ত আজি দিনৰ ১১বজাত অনুষ্ঠিত হয়। সভাত অংশগ্ৰহণ কৰি অসম চাহ মজদুৰ সংঘৰ কেন্দ্ৰীয় কাৰ্যালয়ৰ সাধাৰণ সম্পাদক ৰুপেশ গুৱালাই বৰ্তমান অসম চৰকাৰে চাহ শ্ৰমিকৰ পক্ষত কিছু উল্লেখযোগ্য সিদ্ধান্ত লোৱাৰ বাবে চৰকাৰৰ সিদ্ধান্তক আদৰনি জনায় লগতে সুবিধা সমূহ শ্ৰমিক ৰাইজে উপভোগ কৰিব পৰাকৈ অসম চাহ মজদূৰ সংঘ সদায় সচেতন হৈ থকা উচিত বুলি উল্লেখ কৰে।
অসম চাহ মজদুৰ সংঘ তেজপুৰ শাখাৰ সভাপতি মাধৱ ভুমিজৰ সভাপতিত্বত অনুষ্ঠিত সভাত উদ্দেশ্য ব্যাখ্যা কৰে সংঘৰ তেজপুৰ শাখাৰ ভাৰপ্ৰাপ্ত সম্পাদক সুনীল টুটীয়ে।সভাত ৰূপেশ গুৱালাই সংঘক আৰু অধিক শক্তিশালী কৰিবলৈ আহ্বান জনোৱাৰ লগতে অসম চাহ মজদুৰ সংঘ সদায় শ্ৰমিক সকলৰ বাবে আৰু শ্ৰমিক সকলৰ সমস্যা সমাধানৰ বাবে দায়বদ্ধ বুলি নিজৰ ভাষনত উল্লেখ কৰে।
আজিৰ সভাত সংঘৰ তেজপুৰ শাখাৰ উপ সভাপতি তুলাৰাম ৰহিদাস,সংঘৰ গাননীক গজেন শইকীয়া,কাৰ্যালয় সম্পাদক অমিয় বৰঠাকুৰ, পিদবাস বাঘ,হিৰামনি শইকীয়াৰ লগতে তেজপুৰ শাখাৰ অন্তৰ্গত সমুহ চাহ বাগিচাৰ সভাপতি, সম্পাদক উপস্থিত থাকে।
