- Advertisement -
■ আপুনি কেতিয়াবা কেৱল মাত্ৰ ২০ গ্ৰাম ওজনৰ ৰিভলভাৰৰ বিষয়ে ক’ৰবাত শুনিছে নেকি? অৱশ্যে কোনো পুতলা ৰিভলভাৰ কথা কোৱা হোৱা নাই। বিশ্বত এনে এটা ৰিভলভাৰ আছে, যাৰ গুলীত হঠাৎ এজন লোকৰ মৃত্যুও হ’ব পাৰে! এনেধৰণৰ আটাইতকৈ সৰু ৰিভলভাৰটো এটা চুইজাৰলেণ্ড কোম্পানীৰ দ্বাৰা নিৰ্মাণ কৰা হৈছে। এই ৰিভলভাৰটো সহজে হাতৰ তলুৱাত লুকুৱাই ৰাখিব পাৰি।
এই ৰিভলভাৰৰ নাম চি১এছটি। ৫.৫ চেমি দৈৰ্ঘ্য আৰু ১ চেমি বহল ৰিভলভাৰটোৰ মূল্য ৫ লাখ টকা। ইয়াৰ আকাৰ ইমানেই সৰু যে, যিকোনো ঠাইতে সহজে লুকুৱাই ৰাখিব পাৰি।
ৰিভলভাৰৰ ক্ষমতা যথেষ্ট কম। গতিকে এই গুলীৰ ফলত মৃত্যুৰ আশংকা কম থাকে। কিন্তু নিৰ্মাণ প্ৰতিষ্ঠানটোৱে দাবী কৰে যে যদি এজন ব্যক্তিৰ মূৰৰ ওচৰৰ পৰিসৰত গুলী চালনা কৰা হয়, তেন্তে গুৰুতৰ আঘাতৰ আশংকা আছে। গিনিছ বুকৰ ৰেকৰ্ড অনুসৰি এই ৰিভলভাৰটো হৈছে পৃথিৱীৰ আটাইতকৈ সৰু বন্দুক।
